Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով, 51-րդ հոդվածի 1-ին մասի 1-ի կետով, 2-րդ մասով, ինչպես նաև հիմք ընդունելով Բագարան գյուղի վարչական ղեկավար Ի․Գալոյանի՝ 2023 թվականի հոկտեմբերի 4-ի և Երվանդաշատի գյուղի վարչական ղեկավար Շ․Մուրադյանի՝ 2023 թվականի հոկտեմբերի 3-ի զեկուցագրերը, համայնքի ավագանին որոշում է․

1․Թույլատրել սանիտարական մաքրման նպատակով Բաղրամյան համայնքի Բագարան և Երվանդաշատ վարչական տարածքում՝ Արաքս և Ախուրյան գետերի ափամերձ հատվածներում, կատարել մացառուտների, թփուտների, կոտրված և չորացած ծառերի ծառահատում։

2․Հատումից առաջացած փայտանյութը հաշվառել և հատկացնել Բագարան և Երվանդաշատ գյուղի բնակիչներին։

3․Որոշման կատարման հսկողությունը դնել Բագարան գյուղում՝ վարչական ղեկավար Ի․Գալոյանի, Երվանդաշատ գյուղում՝ վարչական ղեկավար Շ․Մուրադյանի վրա։

4․ Սույն որոշումն ուժի մեջ է մտնում արձակման պահից։