Ղեկավարվելով Հողային օրենսգրքի 7-րդ հոդվածի 15-րդ կետով, «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի  31-րդ կետով և հիմք  ընդունելով «ԱԳՐՈՖԻԼԴ» սահմանափակ պատասխանատվությամբ ընկերության տնօրեն Ա․ Եսոյանի կողմից լիազոր ներկայացուցիչ Արսեն Բաղդասարյանի դիմումը, ինչպես նաև Հայաստանի Հանրապետության Արմավիրի մարզի Բաղրամյան համայնքի ղեկավարի առաջարկությունը․

ԲԱՂՐԱՄՅԱՆ ՀԱՄԱՅՆՔԻ ԱՎԱԳԱՆԻՆ ՈՐՈՇՈՒՄ Է՝

1․ «ԱԳՐՈՖԻԼԴ» սահմանափակ պատասխանատվությամբ ընկերությանը սեփականության իրավունքով պատկանող /հիմք՝ անշարժ գույքի նկատմամբ իրավունքների պետական գրանցման  թիվ 21112024-04-0067 վկայական, տրված՝ 21 նոյեմբերի 2024թ․/04-054-0111-0120 կադաստրային ծածկագիր/ 237,2921 հա գյուղատնտեսական նպատակային նշանակության (որից՝ 199-2921 հա այլ հողատեսք, 38 հա վարելահող) 38 հա գյուղատնտեսական նպատակային  նշանակության վարելահողից 8․6569 հա փոփոխել «ջրային հողերի» նպատակային նշանակության հողերի՝ ոռոգման համար 97000 մետր խորանարդ ծավալով 2 ջրավազան կառուցելու նպատակով։

2․ Առաջարկել համայնքի ղեկավարին՝ հողամասերի նպատակային նշանակության  փոփոխությունը պետական գրանցում ստանալուց հետո ընդգրկել համայնքային հողային ֆոնդի տարեկան ընթացիկ հաշվառման տվյալներում և հողային հաշվեկշռում։

3․ Սույն որոշումն ուժի մեջ է մտնում ընդունման պահից։