Ղեկավարվելով «Հողային օրենսգրքի» 7-րդ հոդվածի 15-րդ կետով, «Տեղական ինքնակառավարման մասին» 18-րդ հոդվածի 1–ի մասի 31–րդ կետով  և հիմք ընդունելով «Սանգարդեն» ՍՊԸ-Ի կողմից լիազորված անձ՝ Արսեն Բաղդասարյանի դիմումը, ինչպես նաև Բաղրամյան համայնքի ղեկավարի առաջարկությունը, համայնքի ավագանին որոշում է․

1. «Սանգարդեն» ՍՊԸ-ին  սեփականության իրավունքով պատկանող /հիմք՝ անշարժ գույքի նկատմամբ իրավունքների պետական գրանցման թիվ  15092023-04-0015 վկայական, 15 սեպտեմբերի 2023թ․/ 04-080-0103-0488 կադաստրային ծածկագրով 19,47 հա գյուղատնտեսական նպատակային նշանակության արոտավայրից 1,1675  հա  գյուղատնտեսական նշանակության հողատեսքը փոխադրել «ջրային հողեր» նպատակային նշանակության  հողերի, ոռոգման համար 20000 մետր խորանարդ ծավալով ջրավազան կառուցելու նպատակով։

2. Առաջարկել համայնքի ղեկավարին՝ հողամասերի  նպատակային նշանակության փոփոխությունը պետական գրանցում ստանալուց հետո ընդգրկել համայնքային հողային ֆոնդի տարեկան ընթացիկ հաշվառման տվյալներում և համայնքային հողային հաշվեկշռում:

3. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից: