Հայաստանի Հանրապետության Արմավիրի մարզի Բաղրամյան համայնքի Դալարիկ բնակավայրի Ս․ Շահումյան փողոց 8/2 հասցեավորմամբ բնակավայրերի բնակելի կառուցապատման և այլ նշանակության հողամասում 1977, 1988 և 1993 թվականներին ինքնակամ կառուցվել Է անասնաշենք, ավտոտնակ, ծածկ, թռչնանոց և թոնրատուն, որոնց մինչ օրս տիրապետում է Հայաստանի Հանրապետության քաղաքացի Հովհաննես Ռաֆիկի Ղազարյանը (ծնված՝ 02/04/1955 թվական), ով 2025 թվականի մարտի 18-ին Հայաստանի Հանրապետության Արմավիրի մարզի Բաղրամյանի համայնքապետարան դիմում է ներկայացրել ինքնակամ կառույցն օրինականացնելու խնդրանքով։

Հաշվի առնելով, որ համայնքային սեփականություն հանդիսացող բնակավայրերի նպատակային նշանակության, բնակելի կառուցապատման և այլ գործառնական նշանակության 0,00284 և 0,04071 հեկտար մակերեսներով հողամասերի վրա ինքնակամ կառուցված անասնաշենքը, ավտոտնակը, ծածկը, թռչնանոցը և թոնրատունը համապատասխանում են Հայաստանի Հանրապետության քաղաքացիական օրենսգրքի 188-րդ հոդվածով սահմանված օրինականացման պայմաններին, որպես ինքնակամ կառույց հաշվառված են Հայաստանի Հանրապետության անշարժ գույքի կադաստրի կոմիտեում թիվ 2024YZZN32 ծածկագրով, չեն գտնվում հաստատված պետական կամ համայնքային նշանակության քաղաքաշինական համալիր ծրագրերով նախատեսված գոտիներում, կառույցների պահպանումը չի խախտում այլ անձանց իրավունքները և օրենքով պահպանվող շահերը, չի առաջացնում հարկադիր սերվիտուտ պահանջելու իրավունք, վտանգ չի սպառնում քաղաքացիների կյանքին և առողջությանը, կառուցված չէ քաղաքաշինական նորմերի և կանոնների էական խախտումներով, չի գտնվում Հայաստանի Հանրապետության հողային օրենսգրքի 60-րդ հոդվածով սահմանված հողամասերի վրա, կամ ինժեներատրանսպորտային օբյեկտների օտարման կամ անվտանգության գոտիներում և ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով, Հայաստանի Հանրապետության քաղաքացիական օրենսգրքի 202-րդ հոդվածի 6-րդ մասով, Հայաստանի Հանրապետության կառավարության 2006 թվականի մայիսի 18-ի N 731-Ն որոշմամբ հաստատված «Պետական կամ համայնքային հողամասերում գտնվող կառույցների նկատմամբ պետական կամ համայնքային սեփականության իրավունքի պետական գրանցման կարգ»-ի 2-րդ, 3-րդ կետերով, Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված «Ինքնակամ կառույցների օրինականացման և տնօրինման կարգ»-ի 33-րդ կետի դրույթներով

ՈՐՈՇՈՒՄ ԵՄ՝

1. Հայաստանի Հանրապետության Արմավիրի մարզի Բաղրամյան համայնքի Դալարիկ բնակավայրի Ս․ Շահումյան փողոց 8/2 հասցեում գտնվող, համայնքային սեփականություն հանդիսացող, բնակավայրերի նպատակային նշանակության, բնակելի կառուցապատման և այլ գործառնական նշանակության՝ 04-036-0010-0009-ից, 0008-ից, 0032-ից, 0007-ից կադաստրային ծածկագրերով 0,00284 և 0,04071 հեկտար մակերեսներով հողամասերում ինքնակամ կառուցված՝ 30,5 քառակուսի մետր արտաքին մակերեսով անասնաշենքը, 59,9 քառակուսի մետր արտաքին մակերեսով ավտոտնակը, 6,1 քառակուսի մետր ծածկը, 9,9 քառակուսի մետր արտաքին մակերեսով թռչնանոցը և 23,3  քառակուսի մետր ներքին մակերեսով թոնրատունը ճանաչել օրինական, դրանք համարել Հայաստանի Հանրապետության Արմավիրի մարզի Բաղրամյան համայնքի սեփականությունը։
2. Սույն որոշման 1-ին կետում նշված շինությունները և հողամասը գնման նախապատվության իրավունքով ( ուղղակի վաճառք ) ձեռք բերելու առաջարկություն անել տվյալ կառույցն իրականացնող անձ Հովհաննես Ռաֆիկի  Ղազարյանին։
3. Օրինականացված անշարժ գույքի նկատմամբ Հայաստանի Հանրապետության Արմավիրի մարզի Բաղրամյան համայնքի սեփականության իրավունքը ենթակա է պետական գրանցման։
4. Սույն որոշումն ուժի մեջ է մտնում ընդունման պահից։