ՆԱԽԱԳԻԾ

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետի, 41-րդ հոդվածի 2-րդ մասի 1-ին և 2-րդ կետերի, «Քաղաքացիական պաշտպանության մասին»  Հայաստանի Հանրապետության օրենքի 14-րդ հոդվածի գ) և դ) կետերի դրույթներով և ի կատարումն Հայաստանի Հանրապետության կառավարության 2011 թվականի օգոստոսի 18-ի «Վտանգավոր տարածքից բնակչության, նյութական և մշակութային արժեքների տարահանման կարգը հաստատելու մասին» N 1180-Ն որոշման 14-րդ և 15-րդ կետերի`

Որոշում եմ՝

1. Հաստատել`

1) Հայաստանի Հանրապետության Արմավիրի մարզի Բաղրամյան  համայնքի վտանգավոր և քաղաքացիական պաշտպանության խմբին դասվող տարածքներից բնակչության, նյութական և մշակութային արժեքների տարահանման համայնքային պլանը՝ իր հավելվածներով.

ա. Հայաստանի Հանրապետության Արմավիրի մարզի Բաղրամյան համայնքի տարահանման հանձնաժողովի ազդարարման սխեման՝ համաձայն N 1 հավելվածի.

բ. Հայաստանի Հանրապետության Արմավիրի մարզի Բաղրամյան համայնքի սահմանամերձ 10 կիլոմետրանոց գոտուց տարահանված բնակչության ժամանակավոր տեղակայման կետերի և բնակչության տեղաբաշխման հաշվարկն ըստ բնակավայրերի՝ համաձայն N 2 հավելվածի.

գ. Բագարան, Երվանդաշատ ջրամբարի պատվարի  փլուզման դեպքում Բագարան, Երվանդաշատ բնակավայրերի բնակչության տարահանման և ընդուման ժամանակացույցն ըստ բնակավայրերի՝ համաձայն N 3 հավելվածի.

դ. Բագարան, Երվանդաշատ բնակավայրերի սահմանամերձ 10 կիլոմետրանոց գոտուց տարահանված բնակչությանը սննդամթերքով ապահովման հաշվարկը՝ համաձայն N 4 հավելվածի.

ե. Բագարան, Երվանդաշատ բնակավայրերի սահմանամերձ 10 կիլոմետրանոց գոտուց տարահանված բնակչության անհրաժեշտ հագուստի և առաջին անհրաժեշտության ապրանքների հաշվարկը՝ համաձայն N 5 հավելվածի.

զ. Հայաստանի Հանրապետության Արմավիրի մարզի Բաղրամյան համայնքում տեղադրված ազդարարման սարքավորումների առկայության մասին տեղեկությունները՝ համաձայն N 6 հավելվածի.

է. Հայաստանի Հանրապետության Արմավիրի մարզի Բաղրամյան համայնքի Բագարան, Երվանդաշատ բնակավայրերում առկա տրանսպորտային միջոցների վերաբերյալ տեղեկատվությունը՝ համաձայն N 7 հավելվածի:

2.Հայաստանի Հանրապետության Արմավիրի մարզի Բաղրամյանի համայնքապետարանի աշխատակազմի քարտուղարին՝ Բագարան, Երվանդաշատ բնակավայրերի վտանգավոր և քաղաքացիական պաշտպանության խմբին դասվող տարածքներից բնակչության, նյութական և մշակութային արժեքների տարահանման համայնքային պլանի մեկ օրինակը տրամադրել Հայաստանի Հանրապետության ներքին  գործերի նախարարության փրկարար ծառայության Արմավիրի մարզային փրկարարարական վարչություն։