Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 22, 24-րդ կետերով, «Ինքնակամ կառուցված շենք-շինությունների և ինքնակամ զբաղեցրած հողամասերի իրավական կարգավիճակի մասին» 2002 թվականի դեկտեմբերի 25-ի 510-Ն օրենքի 7-րդ հոդվածի 2-րդ կետի պահանջներով և նկատի ունենալով, որ 04-080-0103-0343 կադաստրային ծածկագրով 1,2326 հա օգտագործվող հողամասը օրենսդրության խախտումներով հատկացված և կադաստրային քարտեզագրման արդյունքում որպես առանձին գույքային միավոր հաշվառված վարելահողը նախատեսված չէ Հայաստանի հանրապետության Հողային օրենսգրքի 60-րդ հոդվածով սահմանված հողերի ցանկում, չի գտնվում ինժեներատրանսպորտային օբյեկտների օտարման կամ անվտանգության գոտիներում, և իրավունքի ճանաչումը չի սահմանափակում այլ անձանց իրավունքները , և/կամ չի առաջացնում սերվիտուտ, հիմք ընդունելով Սիրեկան Այվազյան դիմումը, որ ինքը մինչ օրս տիրապետում է և բարեխղճորեն օգտագործում վերոնշյալ հողամասը, վճարում հարկեր․ ՈՐՈՇՈՒՄ ԵՄ՝
- Ճանաչել Սիրեկան Այվազյանի սեփականության իրավունքը Հայաստանի Հանրապետության Արմավիրի մարզի Բաղրամյան համայնքի Շենիկ բնակավայրի 04-080-0103-0343 կադաստրային ծածկագրով 1,2326 հա գյուղատնտեսական նշանակության վարելահողի նկատմամբ։
- Հատկացումից ավել օգտագործվող 1,2326 հա հողամասը սեփականության իրավունքով հատկացնել Սիրեկան Այվազյանին։
- Սույն որոշումից բխող գույքային իրավունքները ենթակա են գրանցման կադաստրի կոմիտեի մարզերի միավորված ստորաբաժանումում։
- Սույն որոշումն ուժի մեջ է մտնում ընդունման պահից։
|