ՆԱԽԱԳԻԾ

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով, 41-րդ հոդվածի 2-րդ մասի 1-ին և 2-րդ կետերով, հիմք ընդունելով Հայաստանի Հանրապետության Արմավիրի մարզպետի 2013 թվականի սեպտեմբերի 3-ի N 218-Ա որոշումը, ի կատարումն Հայաստանի Հանրապետության կառավարության 2011 թվականի օգոստոսի 18-ի «Վտանգավոր տարածքից բնակչության, նյութական և մշակութային արժեքների տարահանման կարգը հաստատելու մասին» N 1180-Ն որոշմամբ հաստատված հավելվածի 30-րդ, 31-րդ, 33-րդ կետի 4-րդ ենթակետով, 34-րդ, 39-րդ, 42-րդ և 46-րդ կետերի, ինչպես նաև համայնքի բնակավայրերում արտակարգ իրավիճակների և ռազմական դրության ժամանակ բնակչության, նյութական և մշակութային արժեքների տարահանման պլանավորման, նախապատրաստման և անցկացման ապահովումն իրականացնելու  նպատակով.

Որոշում եմ`

1. Ստեղծել Հայաստանի Հանրապետության Արմավիրի մարզի Բաղրամյան համայնքի բնակչության տարահանման հանձնաժողով` (այսուհետ՝ հանձնաժողով) համաձայն  հավելված N 1-ի:

2. Հաստատել Հայաստանի Հանրապետության Արմավիրի մարզի Բաղրամյան համայնքի բնակչության տարահանման հանձնաժողովի կանոնադրությունը՝  համաձայն հավելված N 2-ի:

3. Ստեղծել Հանձնաժողովի կազմում օպերատիվ խմբեր` համաձայն հավելված N 3-ի:

4.Հանձնարարել Հայաստանի Հանրապետության Արմավիրի մարզի Բաղրամյան համայնքի տարահանման հանձնաժողովի նախագահին`

1)  լրամշակել Հայաստանի Հանրապետության Արմավիրի մարզի Բաղրամյան համայնքի վտանգավոր տարածքներից բնակչության տարահանման պլանը և մինչև 2025 թվականի մայիսի 01-ը ներկայացնել Բաղրամյան համայնքի ղեկավարի հաստատմանը,

2) համագործակցելով փրկարար ծառայության Արմավիրի մարզային փրկարարական վարչության հետ՝ որոշել համայնքի տարահանման (ընդունման) հավաքակայանների տեղակայման  վայրերը։

3) առաջարկել համայնքի տարածքում գործող անկախ կազմակերպական-իրավական ձևից ուսումնական հաստատությունների ու հասարակական նշանակության կազմակերպությունների ղեկավարներին` կազմակերպությունների տարածքում ստեղծել՝

ա. արտահանման (ընդունման )հավաքակայաններ,

բ.  ժամանակավոր տեղակայման կետեր,

գ.  երկարատև բնակության կետեր,

դ.  օբյեկտային տարահանման հանձնաժողովներ։

5. Ձևավորել տարահանման (ընդունման) հավաքակայանների աշխատակազմը, հաստատել հաստիքացուցակը և աշխատանքային խմբերի կազմերը, մշակել տարահանման (ընդունման) հավաքակայանների կանոնադրությունները, ղեկավարման մարմինների և աշխատանքային խմբերի անձնակազմերի պարտականությունները և դրանց  հաստատման  վերաբերյալ եռամսյա ժամկետում ընդունել  համապատասխան  հրամաններ կամ որոշումներ:

6. Սույն որոշման կատարման կազմակերպումն ու պատասխանատվությունը դնել Հայաստանի Հանրապետության Արմավիրի մարզի Բաղրամյան համայնքի ղեկավարի առաջին  տեղակալ, տարահանման հանձնաժողովի նախագահ  Մհեր Հարթենյանի վրա: