Հարգելի՛ Բաղրամյանցիներ․
Տեղեկացնում ենք Ձեզ, որ մարտի  31-ին՝  ժամը 14։00-ին, Հայաստանի Հանրապետության Արմավիրի մարզի Բաղրամյանի համայնքապետարանի նիստերի դահլիճում տեղի կունենա 2025 թվականի ավագանու  թիվ   3-րդ  հերթական  նիստը։
Հարգանքով՝ ՀՀ Արմավիրի մարզի Բաղրամյանի  համայնքապետարանի աշխատակազմ։

Հարգելի՛ բնակիչներ․
Բնության համաշխարհային հիմնադրամի (WWF) հայաստանյան մասնաճյուղի նախաձեռնությամբ  2008 թվականից ի վեր Հայաստանում  իրականացվում է աշխարհի ամենամեծ բնապահպանական շարժումը՝ «Երկրի ժամը»։Կլիմայական ճգնաժամով պայմանավորված՝ 2025 թվականին մենք նոր շունչ ենք հաղորդելու շարժմանը՝ «Երկրի ժամը» դարձնելով երբևէ կազմակերպվածներից ամենամասշտաբայինը։ Առաջարկում ենք մարտի 22-ին, ժամը՝ 20։30 ից 21։30-ը միանալ և աջակցել  շարժմանը՝ մեկ ժամով անջատելով հիմնական փողոցների և շենքերի արտաքին լուսավորությունը։

Հարգելի՛ բնակիչներ․
Հանրապետությունում ջերմաստիճանի կտրուկ բարձրացմամբ պայմանավորված,անտառային և բուսածածկ տարածքներում հնարավոր հրդեհներից խուսափելու նպատակով,ՆԳՆ փրկարար ծառայությունը հորդորում է պահպանել հրդեհային անվտանգության կանոնները։

Հարգելի՛ բնակիչներ․
Հայաստանի Հանրապետության ռեզիդենտ Հայաստանի Հանրապետության քաղաքացիները եկամուտների տարեկան հայտարարագիր ներկայացնելու և եկամտային հարկ ունենալու դեպքում հաշվետու տարվա ընթացքում առողջապահության և/կամ կրթության գծով իրենց կողմից կատարված սոցիալական ծախսերի դիմաց կարող են օգտվել փոխհատուցման հնարավորությունից:
Ձեզ ենք ներկայացնում համընդհանուր հայտարարագրման շրջանակում կրթության և առողջապահության գծով սոցիալական ծախսերի փոխհատուցումից օգտվելու կարգի վերաբերյալ հղումը՝ https://cloud.mail.ru/public/HNCd/GRc7R1cn6