Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետով և «Նորմատիվ իրավական ակտերի մասին» Հայաստանի Հանրապետության օրենքի 36-րդ հոդվածի 1-ին մասի 1-ին կետով, 37-րդ հոդվածի 1-ին կետով, հիմք ընդունելով Հայաստանի Հանրապետության Արմավիրի մարզի Բաղրամյան համայնքի ղեկավարի առաջարկությունը:

Բաղրամյան համայնքի ավագանին որոշում է՝

1. Տալ համաձայնություն Հայաստանի Հանրապետության Արմավիրի մարզի Բաղրամյան համայնքին սեփականության իրավունքով պատկանող Քարակերտ գյուղի վարչական տարածքում գտնվող  D=133մմ, L=25մ, D=76մմ, L=359մ ընդհանուր 384,0 մ երկարությամբ և Բաղրամյան գյուղի վարչական տարածքում գտնվող D=133մմ, 108մմ, 76մմ, 57մմ, 1388,0 գծամետր գազատարը անորոշ ժամկետով անհատույց օգտագործման իրավունքով տրամադրելու «Գազպրոմ Արմենիա» փակ բաժնետիրական ընկերությանը՝ շահագործման նպատակով:

2. Սույն որոշումն ուժի մեջ է մտնում ընդունման պահից: